Willemstad, Kòrsou, 9 di yanüari 2025 - Oryx Midstream ta anunsiá ku Ross Macfarlane ta e General Manager nobo na Kòrsou. Ross ta trese ekspertisio multinashonal vasto den e industria di Petroli i Gas, inkluyendo ròlnan di liderato manera Country Director na Algeria i Guyana.

Ross a gradua na Universidat di Glasgow ku un grado den Ingenieria Eléktriko, e tin un fundeshi tékniko sólido i sertifikashonnan inkluyendo CompEX i SIRA, Project Management Professional (PMP), i ISO 9001 Auditor. Ademas, e tin un sertifikashon di NEBOSH i ta traha ku un enfoke firme riba standartnan di seguridat i salubridat den área di trabou.

Oryx Midstream ta konfia ku e eksperensia i vishon di Ross lo yuda e kompania realisá su mishon di ekselensia operashonal, sostenibilidat ambiental, sera aliansa ku komunidat, stimulando un futuro mas resiliente i mas efisiente den energia.