Willemstad – Oryx Midstream ku hopi orguyo ta felisitá PWFC ku su aniversario di 70 aña. Representantenan a indiká di ta sinti nan mes honrá di por a tuma parti na e evento speshal aki, kaminda a konmemorá e sindikato ku nan logro signifikante. Oryx Midstream ke sigui fortalesé e relashon importante aki i ke sigui traha uní pa logra un futuro duradero.

Oryx Midstream ta para riba su kompromiso pa perkurá un futuro briyante i duradero pa e trahadónan, nan famia i komunidat di Kòrsou en general, i ta rekonosé e importansia ekonómiko i sosial di e operashon akí riba e isla. E kompania ta kompartí e vishon kolaborativo ku PWFC i otro sindikatonan, pa máksimalisá e impakto positivo ku e operashon por tin.

E perisia i dedikashon di esnan ku ta laborá, kombiná ku e konosementu estrecho ku nan tin di e aktividatnan operashonal na e refineria, ta hasi ku nan ta di gran balor. E saki, kombiná ku Oryx su enfoke riba modernisashon i sostenibilidat, lo ta e empuhe pa logra e metanan konhunto. Oryx Midstream ta mantené su kompromiso pa asegurá ku tur proseso ta seif, efisiente i responsabel pa loke ta trata medio-ambiente i kompletamente aliñá ku e standartnan internashon más haltu.

Transparensia i komunikashon habrí ta pará sentral pa loke ta trata e sistema di traha i funshoná. Dor di kompartí informashon i ofresé inisiativanan ku partisipashon interaktivo, e kompania ke stimulá e relashon ku tantu e forsa laboral komo e komunidat, pa logra ku tur stakeholder ta riba un liña i komprometé na éksito di e proyekto.

Ross Macfarlane, e gerente nobo na Oryx Midstream, a kompartí lo siguiente: “Tabata un bunita okashon, tantu pa mi mes persona komo pa Ana Nocerino, e manager nobo di Rekurso Humano. Nos a haña un bon biní kaluroso durante nos promé siman na Kòrsou. Atrobe, pabien na un i tur, i nos ta kontentu di por kontinuá ku e relashon aki.”