Madrid, 17 di òktober 2024 – Oryx Group tabata presente na  e edishon di 2024 di e evento ‘Risk Revealed’ (Revelashon di Riesgo), kual ta un di e eventonan más importante di su sektor. E evento a keda organisá dor di LSEG Risk Intelligence. E foro, ku a tuma lugá na Canopy by Hilton Madrid Castellana Hotel, a atraé ekspertonan i lidernan den e sektor finansiero, i tabata tin komo propósito pa diskutí tokante e trèntnan más resien den e áreanan di kumplimentu di regla, akshonnan kontra labamentu di plaka i prevenshon di froude.

Entre e tópikonan más relevante ku a toka durante ‘Risk Revealed’ tabata e tópikonan ‘inkorporá inteligensha artifisial den prevenshon di froude’ i e ‘desafionan i solushonnan pa loke ta trata kontròl i transakshonnan finansiero’.

Na e evento a partisipá personanan klave den e sektor, entre otro representantenan di Deloitte, Santander Group, Caixabank i Global Financial Crime Coalition (Koalishon Global kontra Krimen Finansiero).

Presensia di Oryx Group na e evento ta reflehá e prioridat ku e kompania ta pone riba implementashon di polítika sólido pa loke ta trata kumplimentu ku regla aliñá ku e rekesitonan más resien según regulashon.