VIGOR a inisiá e proseso pa buska proevedonan pa por maksimalisá uso di e kapasidat na e terminal di Bullenbaai, mientras ta perkurá pa servisio sigur, sostenibel i di kalidat haltu pa ofresé na prospekto klientenan. 

Manera ya a anunsiá anterior, den e fase inisial di operashon lo konsentrá riba maksimalisá e kapasidat disponibel durante di e promé tres añanan di e kontrakto di operashon di 30 aña. 

A kuminsá ku e proseso di buskeda di proevedónan den áreanan di operashon primario, loke ta inkluí limpiesa i mantenshon di areanan esenshal, material pa Salú, Seguridat i Medio Ambiente (HSE)- manera ekípo pa awa di paga kandela- meskos tambe konstrukshon, trabou di koriente i servisio di inspekshon. E aktividatnan esenshal aki ta planeá pa kuminsá tuma lugá den luna di Yüni binidero. Sobra trabounan lo keda inisiá mas despues. 

VIGOR ta sigui ekspandé su oferta stratégiko di servisionanan na Bullebaai, kolaborando ku 2BAYS pa ofresé almasenahe i operashon di ‘blending’, meskos ku mantenshon i servisionan naviero. 

Nos ke enkurashá prospekto proevedónan interesá pa registrá i pa tuma kontakto ku nos tim di lisitashon na procurement@vigorgroup.com.